PolyU係最猛鬼校園?

FB Share

相信大家喺互聯網搜尋,都會見到一個標題「理工大學係猛鬼校園 仲係八大之最」。

造成眾多鬼故流傳嘅原因,相信同理大嘅地勢有莫大關係。香港理工大學位於紅磡及尖沙咀交界,雖然人流眾多,單單一條紅隧已經帶來莫大人氣,但係由於毗鄰兩大殯儀館,而且歷史悠久,每日都有不同的法事進行,有人說⋯⋯亡魂甚至比生人多⋯⋯

在網上唔難搵到關於猛鬼學府嘅鬼故,其中最著名嘅有:圖書館亡魂、噴水池工人、游泳池小孩同草地建築師。

但係,其實不為人知嘅恐怖傳說仲有好多,記得去理大行每一段路都要小心啲,尤其係夜晚⋯⋯

儲物櫃嬰靈

據說,以前有一對十分恩愛嘅情侶,家人因為唔想影響佢地學習,一直唔同意佢地嘅戀愛。無奈地,女生發現自己懷孕,佢地只好留喺學校幽會,直至深夜。十個月後,佢地嘅嬰兒係學校出世。情侶萬分不捨,但又明白雙方嘅家庭都唔容許嬰兒嘅誕生。於是,佢哋就將嬰兒放入學校嘅儲物櫃,嬰兒就喺入面活活餓死⋯⋯

從此之後,好多人話夜晚經過學校,一排一排儲物櫃都會傳出嬰兒嘅喊聲。呢個時候,千祈唔好手多多去打開儲物櫃,否則佢可能會以為你係佢嘅爸爸媽媽,跟你返屋企⋯⋯

宿舍附近的運屍路

理大位於殯儀館附近,經常有大大小小嘅怪事發生。呢度附近更加有一條路,叫做溫思路。溫思路,溫思路⋯⋯據說就係戰亂時期,紅磡係亂葬崗嘅時候,用作運屍嘅運屍路。如果你夜晚行經呢條路,可能仲會聽到木頭手推車嘅聲音。呢個時候,如果有人叫你個名,千祈唔好擰轉頭,亦唔好踩到遍地嘅陰司紙,依依,依依⋯⋯

Z core 嘅隧道

據說,以前起Z core 時,因為同紅磡校舍分離,所以要起一條隧道去連接兩個校舍。有一晚,工人連夜趕工,開鑿隧道。呢個時候,其中一名工人發現地底有一副骸骨。佢想通知同伴,就聽到把聲話:「救我。」佢嚇到拋低所有工具,即刻逃走。點知,佢喺隧道不停徘徊,明明出口好近,但係點樣都出唔到去。第二日,其他工人發現佢死喺隧道,而屍首同骸骨放置嘅姿勢正正相同,一陣陰風吹過,佢地不約而同地聽到兩把聲:「救我⋯⋯」

所以,記得夜晚唔好自己一個行呢條隧道。否則,你可能會聽到幾把聲同時話⋯⋯救⋯⋯我。

本文由Gööp宣傳大使 豆寶 撰寫

相關文章

快啲下載Gööp去連結你嘅社群啦!

Google Play LinkApp Store Link